حضرت عبداللہ بن عمر رضی اللہ عنہ بیان کرتے ہیں کہ ایک شخص نے عرض کی اللہ کے رسول ﷺ اذان دینے والوں کو ہم پر فضیلت حاصل ہے۔ رسول اللہ ﷺ نے فرمایا۔تم بھی ویسے ہی کہو جیسے وہ کہتے ہیں جب فارغ ہو جاؤ(یعنی اذان کا جواب دے چکو) تو دُعا کرو (اللہ تعالیٰ سے مانگو) تمہیں وہ چیز دی جائے گی۔

حضرت ابو شعثاء ؒ سے روایت ہے کہ ہم ابو ہریرہ رضی اللہ عنہ کے ساتھ مسجد میں بیٹھے ہوئے تھے۔ کہ عصر کی اذان کے بعد ایک شخص مسجد سے باہر چلا گیا۔ ابو ہریرہؓ نے فرمایا: اس نے ابوالقاسم ﷺ کی نافرمانی کی ہے۔

حضرت ابن عباس رضی اللہ عنہ سے روایت ہے کہ رسول اللہ ﷺ نے فرمایا جوثواب کی نیت سے سات برس اذان دے یعنی دنیا میں اجرت نہ لے اس کے لئے دوزخ سے نجات لکھی جائے گی۔