حضرت انس بن مالک رضی اللہ عنہ بیان کرتے ہیں کہ لوگوں نے کہا اے اللہ کے رسول ﷺقیمتیں بہت زیادہ ہوگئیں پس آپ ہمارے لئے قیمت مقرر کردیں ۔رسول اللہ ﷺ نے فرمایا اللہ تعالیٰ قیمتیں مقرر کرنے والا ہے وہ (رزق میں) کمی کرنے والا ہے اور وہی فراخی کرنے والا اور رزق فراہم کرنے والا ہے اور میں امید رکھتا ہوں کہ میں اللہ تعالیٰ سے اس حالت میں ملاقات کروں کہ تم میں سے کوئی شخص مجھ سے خون اور مال کا مطالبہ نہ کرے (یعنی میرے ذمے کسی کا حق باقی نہ ہو)۔