حضرت ابی سعید رضی اللہ عنہ سے روایت ہے رسول کریم ﷺ نے ایک صحابی کو خیبر کا عامل بنایا تو وہاں کی عمدہ کھجوریں لے کر آئے رسول کریم ﷺ نے ان سے پوچھا کیا خیبر کی تمام کھجوریں ایسی ہی ہیں؟ انہوں نے کہا نہیں اللہ کی قسم اے اللہ کے رسول ﷺ ہم 2صاع عام کھجوریں دے کر یہ عمدہ کھجور ایک صاع لیتے ہیں۔ رسول کریم ﷺ نے فرمایا کہ اس طرح مت کرو خراب کھجوروں کو رقم کے بدلہ بیچ دو پھر رقم سے عمدہ کھجوریں خرید لیا کرو۔